Земјоделските производители кои имаат лозови насади во атарот на село Криволак се жалат на недостиг на вода за наводнување на лозјата. Вода во каналот нема и тие веќе неколку пати реагирале до Водостопанство Тиквешко поле.
-Тажно е ова што се прави со нас земјоделците. На овие горештини нема вода една недела, се исушија лозјата, ќе го загубиме родот – велат лозарите од Криволак.
Земјоделците од Криволак информираат дека вода нема повеќе од една недела и дека освен лозјата штети има и кај градинарските култури.
Земјоделците апелираат до надлежните институции и се надеваат дека проблемот брзо ќе се реши за да може да ја спасат годинешната реколта.
