Министерството за земјоделство, шумарство и водостопанство, во изминатите две и пол години започна крупни капитални инвестиции во делот на водостопанската инфраструктура, со единствена цел – преку одржување и реконструкција на браните и системите за наводнување и изградба на нови системи, да ги зголемиме на наводнувани површини и да создадеме услови за рентабилно земјоделско производство потенцира министерот за земјоделство, шумарство и водостопанство, Трајан Димковски на неодманешното 12-то Советување за водостопанство и хидротехника, во организација на здружението „Македонски комитет за големи брани“.
– Една од поголемите инвестиции е изградбата на Браната Конско, со којашто ќе се овозможи наводнување на 4.200 хектари земјоделски површини во гевгелиско-валандовско-богданскиот регион, производство на електрична енергија и обезбедување на дополнителни количини на вода за хидро системот “Спас на Дојранско езеро“. Околу 56 отсто е изградбата е веќе завршена. Во полн ек е изградбата на современиот систем за наводнување на јужната долина на реката Вардар втора фаза, со којшто ќе се овозможи наводнување на 2.050 хектари во валандовскиот регион.
Првиот човек на министерството за земјоделство истакна дека над 80 отсто е реализацијата на хидросистемот Равен-Речица, со кој ќе се наводнуваат нови 6.000 хектари во полошкиот регион. Димковски посочи дека во тек е проектот финансиран од Европска унија за „Мали, еколошки системи за наводнување“ во износ од 1,8 милиони евра“.Според него,паралелно се работи и на проектите за рехабилитација на Пумпна станица Дебарско Поле, ХС “Злетовица” прва фаза за водоснабдување, браните на Оризарска и Слупчанска река и други капитални проекти.
– Реализацијата на сите овие проекти на коишто работиме, ќе овозможи намалување на загубите од вода, трајно решавање на проблемите со наводнување и крајно зголемување на приносите од земјоделските стопанства,порача министерот Димковски.
Ана Петровска, државен секретар за животна средина на МЖСПП на РМ, истакна дека водостопанските објекти се карактеризираат со најголемо влијание врз животната средина, и затоа треба да се третираат според концептот за интегрален и одржлив развој.
Напишете коментар