Ваквите уреди се автоматизирани, ги намалуваат трошоците, количината на потрошена вода, го скратуваат периодот на работа и на тој начин заштедуваат енергија за нивно стартување. Кои се неговите други предности и недостатоци?
Климатските промени и недостигот на вода се сѐ поголем проблем во современото земјоделство. Сушата го зема својот данок секоја година и без квалитетни системи за наводнување се намалува или пак изостанува приносот.
Постојат различни системи, а еден од нив е кружен или централизиран, чии прскалки кружно ги наводнуваат посевите. Во неговиот центар се наоѓа вратилото околу кое се вртат цевководот и потпорите на прскалките. Многу често се користи во земји со напредно земјоделско производство. Се користи и за примена на пестициди и течни ѓубрива.
Покрај кружниот за површинско наводнување, се користи и линеарен систем, капка по капка, систем за наводнување со бразди и оние со вештачки дожд.
Предности и недостатоци
Сите овие системи сѐ повеќе се подобруваат во текот на последната деценија. Денес, тоа се посебни машини кои обично се дигитално контролирани. Кружниот систем не е исклучок. Има голем број предности за користење. Механизмот на распрскувач овозможува прецизно наводнување или третман со пестициди и фолијарни ѓубрива. Ваквите уреди се автоматизираат, ги намалуваат трошоците, количината на потрошена вода, го скратуваат периодот на работа и на тој начин заштедуваат енергија за нивно стартување. Погодни се за сите полиња, зеленчукови и некои овошни култури како што се јагодите. Висината на носачот на распрскувачот може да се прилагоди на висината на родот. Ефикасноста на нанесената вода е до 80 проценти.
Сосема е сигурно дека таквите системи имаат и свои недостатоци. Пред сѐ се работи за големи финансиски инвестиции што ги прави недостапни за малите и средни земјоделски производители. Парцелите мора да имаат одредена правилна форма. Треба да се напомене дека одржувањето и можните поправки се многу финансиски напорни. Не се погодни за употреба кога времето е ветровито, бидејќи може да дојде до нерамномерна распределба на водата и нанесените ѓубрива, пестициди.
Карактеристики на кружниот систем
Се прилагодува на големината на парцелата и нејзината должина може да се движи од 60 до скоро 800 м. Најчесто користени уреди се оние кои можат да наводнуваат површини од 125 хектари и имаат должина од 400 метри.
Пумпната станица зафаќа вода од резервоари, канали или реки, а главната цевка е испорака до центарот на уредот. Оттаму, водата се испраќа во прскалки. Различни притисоци го регулираат протокот на вода. Ова овозможува рамномерно наводнување на целата површина. Прскалките кои се поблиску до центарот имаат помал проток од оние што се поставени на краевите.
Ваквите уреди се погодни и за стрмни терени и со нив може да се ракува рачно или автоматски. Исто така, можно е да се прилагоди количината на вода, брзината на движење, дури и на различни делови од парцелата може да се применат различни стандарди за наводнување кои се во согласност со култивираната култура, нејзината фаза на раст и развој, квалитетот на почвата и нејзиниот состав.
Ниту дигитализацијата во земјоделството не ги заобиколи овие системи. Тие стануваат пософистицирани и попрецизни, со сензори и камери поставени на основата. На тој начин се собираат точни податоци за земјиштето и состојбата на посевите, кои можат да ни помогнат во оптимизирање на нормата за наводнување, примена на заштитни средства и ѓубрење.
Извор: agroklub.rs
