Професорот Крсте Шајноски ќе биде нов предводник на Агенцијата за супервизија на осигурување, а на оваа позиција доаѓа на местото на Климе Попоски.
Тој е вонреден професор на постдипломските студии на Институтот за бизнис и економија. Исто така, е еден од сопствениците на веб порталот Фактор.мк, а претходно има работено како новинар во Телма, и предавано на студентите на Високата школа за новинарство.
Неговото именување треба да се случи на седница на Собранието закажана за 11 декември.
Шајноски е предложен од Владата во ноември годинава кога истече вториот мандат од пет години на досегашниот претседател на Советот на експерти на Агенцијата за суоервизија на осигурувањето Климе Попоски. Попоски првпат беше избран за претседател на Советот на експерти на Агенцијата во ноември 2009 година.
Шајноски во својот професионален ангажман претходно бил консултант на осигурителните друштва Кроација но, и доцент на Економскиот факултет во Штип. Работел и како инвестициски советник.
Покрај Шајноски, пратениците ќе треба да го именуваат Злате Симоновски за член на Советот на експерти на ова регулаторно тело со мандат од пет години. Тој е актуелен извршен член на Советот на експерти.
Извор: Банкарство.мк
