Кромидот шалот најмногу се одгледува во домашните градини и не е значаен за пазарот.
Луковиците се користат во текот на есента и зимата, а се употребува и како млад кромид.
Припаѓа на семејството луковици (lat. Alliaceae). Името го добил од зборот „аскалон“, медитеранско пристаниште од кое тргнувале бродовите на пат кон Европа и се смета дека од тој крај има потекло. Во сродство е со кромидот и лукот.
Кромидот шалот (Allium cepa var. aggregatum), е вид на кромид со ситна главичка.
Со средна големина е, цилиндрична, долгнавеста форма и има црена или жолто-кафеава боја. Од една луковица никнуваат 5-7 нови луковици кои при доното се споени. Секоја од тие нови луковици развива уште 2-3 помали луковици кои служат за садење. Најпознати одгледувачи се Германија, Унгарија, Франција и Шпанија.
Овој кромид има поблаг и поароматичен вкус од повеќето останати сорти на кромид и созрева порано. Не се препорачува за динстање или за пржење бидејќи има тенденција да стане горчлив. Кромидот шалот најдобро се користи свеж бидејќи така најдобро доаѓа до израз неговата арома. Се користи во салати и ладни сосови на пример, тартар сос.
За да остане подолготраен за јадење може и да се исуши.
Извор: Agrosavjet
