Британската кралица Елизабета Втора лансираше сопствен бренд со биопроизводи од нејзиниот имот во Норфолк. Меѓу производите е и кралскиот кечап.
„Идеален за појадок или за кој било друг дел од денот“, е слоганот на овој кечап.
Освен домати, овој кечап содржи и урми, сок од јаболка и разни зачини. Позната е и цената на овој кечап и очекувано е поскап од вообичаениот што може да се најде во продавницата – шише од 300 милилитри чини девет долари.
Во 2020 година, Бакингемската палата произведе сув џин направен од различни состојки добиени од имотот на кралицата, а подоцна истата година излезе уште еден џин.
Се испостави дека џинот е само почеток. Во 2021 година, кралицата Елизабета лансираше бренд на пиво кое исто така се прави од состојки од Сандрингам и органски јачмен од имотот.
