Иако корона вирусот ја уназади економијата и донесе загуби во земјоделството, сепак за одредени сектори може да биде и шанса за нова работа. Познавачите велат дека поради прекинатите потрошувачки синџири ширум светот, ова е одлична можност за производителите и извозниците на замрзнато овошје од цела Европа, па така и од Србија. Како нови пазари се споменуваат Јужна Америка и Африка.
Пред пандемијата, прогнозите за Латинска Америка најавуваа раст на пазарот за длабоко замрзнато овошје и тоа од од 5,8% до 2023 година,а за Блискиот Исток и Африка 4.91 %. Тоа се секако интересни потенцијални пазари и за Србија. Меѓутоа, отворањето на нови пазари веројатно ќе го дочека крајот на пандемијата.
Производителите на замрзнато овошје од ужичкиот крај во Србија имаат искуство во извоз на замрзнато овошје, околу 50 години и присутни се на пазарите на повеќе од 40 земји од целиот свет. Кризата предизвикана со појавата на корона вирусот доведе до промена во побарувачката на овој производ, како и во делот на организација на извозот и транспортот.
Побарувачката сега е нешто зголемена, а организационо- транспортните предизвици воглавно се однесуваа на најодалечените пазари. Во земјите на Западна Европа , кои всушност претставуваат и најголем дел од пазарот, извозот е нормализиран. Особено е важно тоа што Европската комисија ги укина мерките за контрола на замрзнатите малини и капини од Србија, токму поради појавата на корона вирусот, бидејќи беше направен проценка дека во Србија се превземени разни мерки за да се намали ризикот од неговото проширување. Во оваа соседна земја со производство на замрзнато овошје се занимаваат околу 250 компании, а имаат и ладилници, со вкупен капацитет од 400.000 тони. Бројот на објекти за складирање и преработка е многу на ваквиот вид на овошје е многу поголем.
Последните неколку години одгледувањето на боровинка доби нешто поголемо внимание , но нејзиниот углед на европскиот и светскиот пазар е сеуште помал во споредба со угледот на малината.
Извор: Екапија
