Ви се јаде нешто слатко, а немате ништо дома? Сигурни сме дека откако ќе ги пробате овие вкусни чоколадни коцки, ќе ги подготвувате барем еднаш неделно.
Ова е можеби наједноставниот рецепт за чоколаден колач. Се подготвува буквално за три минути, не треба да се пече, а за негова подготовка ќе ви бидат потребни само 4 состојки.
На крајот, ќе го откриете супер трикот за „сечење“ на колачот, што не е многу вообичаено, но е ефикасно и корисно.
Состојки:
3 банани
200 грама млечно чоколадо
цимет по вкус
1/2 кесичка ванилин шеќер
Подготовка:
Исечете ги бананите на прстени и ставете ги во сад.
Растопете го чоколадото и додадете го на бананите, потоа додадете го циметот и ванилиниот шеќер, па сè изблендирајте.
Ставете ја смесата во калап со димензии 18*28 см и добро размачкајте ја.
Ставете во фрижидер еден час.
Можете да го исечете како во видеото, со решетка од рерната.
На овој начин, сите коцки ќе ви бидат исти, а воедно ќе заштедите и време.
