Која е причината за порастот на цената на пченката во Србија

Пченката во Србија на почетокот на оваа година е поскапа за 12 отсто отколку на крајот на 2020 година, изјави претставникот на Здружението за унапредување на производството и извоз на житарки и маслодајни култури „Жита Србије“, Вукосав Саковиќ.

„Еден килограм пченка во Србија чини од 19,50 до 22 динари, бидејќи финансиските фондови почнаа да вложуваат пари купувајќи на светските берзи за земјоделски производи, пред сè на тој производ“, изјави Саковиќ.

Тој за Бета изјави дека инвестициски фондови почнале да вложуваат во земјоделски производи поради рецесијата предизвикана со здравствената криза.

„Поради кризата во земјоделството, како последица на пандемијата од коронавирусот, намалени се можностите за вложување, па финансиските фондови се свртија кон земјоделските производи“, изјави Саковиќ.

Саковиќ додава дека секоја промена на цената на светскиот пазар се рефлектира и на домашните цени.

На Производната берза во Нови Сад минатата недела се склучени договори за купопродажба на пченка по цена од 19,50 до 21,80 динари по килограм без данок на додадена вредност, а најголема постигната цена на тој производ, донесена до купувачот, изнесувала 22,20 динари по килограм.

Саковиќ изјави дека финансиските фондови сега поседуваат рекордни количини на земјоделски производи и дека големи количини пченка се купуваат од Кина.

Побарувачката на пченка, според неговите зборови, е зголемена и покрај прогнозите дека производството на пченка во наредната година нема да биде намалено.

Извор: Agrostandard