За повеќето луѓе, земјоделството изгледа како едноставна активност и честопати оние луѓе кои се занимаваат со оваа гранка на економијата, се потценети.
Сепак, секој може да се занимава со земјоделство, но не секој може да биде успешен земјоделец. Една од причините за тоа е, што всушност станува збор за многу сложена активност која покрај многу труд и напор, бара и посебни вештини за управување со производствените процеси.
Во нивните напори да постигнат задоволителен принос и профитабилно производство, земјоделците многупати се прашуваат дали се на добар пат и дали управуваат со своето производство на одржлив и ефикасен начин.
За жал, не постои едноставен рецепт за да се биде успешен во овој бизнис, но постојат квалитети кои се заеднички за сите успешни земјоделци.
Организирано и вешто управување со активностите
Секој успешен земјоделец знае колку работни часови поминал на одредена активност во текот на сезоната. Врз основа на тоа, можно е да се анализира дали е потрошено повеќе време на активности отколку што беше планирано и како тоа дополнително ќе влијае на производството и трошоците.
Следењето на работното време е исто така важно за понатамошно планирање на активностите. Врз основа на податоците за потрошеното работно време, земјоделецот може да го испланира текот на активностите за следната сезона и да ја организира потребната работна сила на време.
Една многу важна карактеристика на успешните земјоделци, е следење на ефикасноста на вработените, што е особено важно во случај кога се ангажираат сезонски работници за време на бербата. Ова следење му овозможува на земјоделецот навреме да им плаќа на работниците врз основа на тоа колку сработиле.
Покрај првите два параметри, контролирани се и трошоците за работна сила за секоја активност, секое поле и во секоја сезона. Успешните земјоделци точно знаат колку чини вршењето на одредени активности, што во голема мера го олеснува нивното идно планирање и финансиско управување.
Контролирање на трошоците за работна сила за секоја активност
Друга важна карактеристика е отвореноста за дигитализацијата на земјоделството, што повеќе не е само концепт. Земјоделството, познато како застарена и традиционална активност, полека, но сигурно претрпува голема трансформација. Различни сензори, беспилотни летала, напредни трактори со автоматизирани системи за управување, софтвер и многу други технологии го менуваат начинот на производство на храна.
Сите тие технологии се развиени за да ги направат земјоделците попродуктивни и профитабилни. Затоа, оние кои се отворени за нови технологии имаат поголеми шанси да го подобрат сопственото производство.
Донесување одлуки врз основа на податоци
Една од клучните карактеристики е донесување деловни одлуки врз основа на податоци, а не врз база на емоции и чувства.
Многу земјоделци ги водат своите деловни активности врз база на емоции и тоа често доведува до непотребно трошење на ресурсите, што резултира со зголемување на производствените трошоци. Покрај тоа, управувањето преку интуицијата, честопати има негативен ефект врз самата продуктивност.
Успешниот земјоделец, секогаш знае колку средства се потрошени за одредена култура, и кои култури се продуктивни, а кои заостануваат.
Исто така, тој е способен да постигне оптимален принос и оптимален квалитет на производот и на крајот знае да оствари профит. Покрај тоа, тој е во состојба да ги постигне поставените цели, истовремено управувајќи со своето производство на одржлив начин.
Извор: Агроклуб
