За да го среди растот на цените на храната, аргентинската влада разгледува воведување на данок за извоз на пченка, пченица и соја.
Аргентинската влада размислува за воведување данок за извоз на храна за да ја запре високата инфлација, пишува Ројтерс. Оваа земја е трет светски извозник на пченка и најголем меѓународен набавувач на сточна храна од соја, а големи количини извезува во Европа.
-Не е исклучена можноста за воведување на данок – изјави заменичката на претседателот, Сесилиа Тодеска за тамошните медиуми. Додава дека цел на претседателот Алберто Фернандез е разговор со земјоделци и извозници за да се пронајдат методи за избегнување на наглото зголемување на цените.
Имено, потрошувачките во тие земји пораснале минатата година за повеќе од 36,1 посто. Тоа влијаело на веќе постоечките економски проблеми на граѓаните погодени со рецесијата, која таму започнала во 2018 година, а работата дополнително ја влошила и пандемијата на ковид-19.
Домашните житарки важни поради сточната храна
Последните месеци меѓународните цени на сојата и пченката достигнаа највисоко ниво во последните неколку години. Како што пишува infobae, во Аргентина моментално за извоз на соја се плаќа данок од 33 отсто, за масло 31, додека тој за пченка и пченица е 12 отсто. Аналитичарите сметаат дека тоа ќе ја поттикне инфлацијата која се заканува да ја зголеми сиромаштијата во оваа земја.
Тамошната влада минатиот месец го ограничи извозот на пченка со намера да ја намали цената, со објаснување дека нивната одлука се темели на потребата да се осигура домашната залиха со житарки, бидејќи се потребни како суровина за производство на сточна храна.
Меѓутоа, од тој план се откажале поради негодувањата на земјоделците. Имено, производителите сметаат дека ограничувањата би влијаеле на вложувањата и производството во време кога на централната банка ѝ се потребни долари од извоз за пополнување на девизните резерви.
Да потсетиме, и Русија воведе квоти за извоз на житарки, но и данок на извоз на пченица, откако претседателот на оваа држава, Владимир Путин ги повика владините службеници и играчи на пазарот поради порастот на цената на основните намирници.
Извор: agroklub.com
