Кога станува збор за свињите, треба да знаеме дека тие се ладат исклучиво со дишење, бидејќи немаат потни жлезди, а знаат и самите да побараат помош. Во случај на високи температури, свињите ќе се обидат да се оладат барајќи поладно место или ќе се сместат во деловите на нивното живеалиште каде што протокот на воздух е поголем. Покрај тоа, тие ќе се оддалечат едни од други, ќе копаат сè додека не наидат на поладна почва.
Ако температурите надминуваат 36°C, маториците треба да се попрскаат со вода, а вода често да им се менува.
Кога температурите се над 40 степени и кога УВ зрачењето е високо, изнесувањето на стоката на пасиште може да биде многу штетно.
Светските трендови велат дека импровизирани плевни се прават и на пасиштата, со цел да се заштитат домашните животни од сонцето. Ако немате услови за ова, можете да ги заштитите животните со природна сенка од дрвја или шуми покрај реките. Треба да им се обезбедат места со свежа вода, натстрешница, а во некои случаи и хранилки.
Натстрешницата можете да ја направите и сами – закопајте четири столба во земјата и покријте ги со трска. Многу високи температури без дожд често ги горат пасиштата, отежнувајќи го пасењето, па затоа животните често јадат плевел штетен за нив. Затоа, на животните треба да им се даде зелена свежо косена трева. Нахранете ги животните рано наутро или подоцна навечер.
Извор: agroklub.com
