Цената на пченката во Кина достигна рекордно ниво, а тамошните власти ги испразнија резервите. Меѓутоа, увозниците набавија огромни количини за да го надоместат недостигот.
– „Кина оваа година ќе ги зголеми површините засеани со пченка во своите главни поледелски региони“, најави кинескиот минситер за земјоделство, Танг Ренјиан коментирајќи дека последните неколку години намаленото сеење резултирало со се поголем недостиг на оваа клтура во земјата. Зголемувањето на површините е дел од планот за прехрамбена сигурност, според новоименуваниот министер за земјодлество и рурални работи, пренесува reuters.
Стабилизација на производството
Властите ќе се насочат на ширење на површините со пченка на североисток, како и подрачјата околу реките Хуаи, Хаи и Хо, вети Ренјиан откако цените на житариците во Кина достигнале рекордно ниво, а сопствениците ги испразниле резервите. Меѓутоа, увозниците набавиле рекордни количини за да го надоместат недостигот.
– „Се очекува дека површините и производството на пченка ќе се опорават и ќе се зголемат, додека цената веројатно ќе падне во следните неколку години“, вели Менг Јинхуи, виша аналитичарка од агенцијата Shengda Futures.
Според кинескиот државен завод за статистика земјоделците во 2020 година засеале 41.264 милиони хектари пченка, а производството изнесувало 260,67 милиони тони зрна. Кина ги намали површините во последните неколку години за да ги редуцира државните залихи и го зголеми производството на останатите култури како сојата.
– „Властите мора да се осигураат дека нема да се намалат ниту површините со ориз“, потенцира министерот. „На северозапад и подрачјата околу реките Хо, Хуаи и Хаи треба да настојуваат на опоравување на површините со пченица“, смета тој и додава дека Кина ќе го стабилизира производството на соја и ќе ги осигура домашните залихи. Исто така, ќе се насочи кон подобро семе и заштита на своите обработливи површини поради јакнење на сигурноста на житарките.
Модернизација на земјоделството
Треба да се спомене дека оваа држава во текот на минатата година забележала добра жетва, а производството на житарки е зголемено за 0,9 отсто на годишно ниво.
Како што пишува xinhuanet, паметната технологија и дигитализација станале дел од движењето за модерно земјоделство, ослободување на работната сила и подобрување на производствената ефикасност. Од септември 2020 Кина воспсотави 18 земјоделски пилот зони без работна сила и тоа за 14 видови посеви во 12 покраини и региони. Со тој проект се покриени повеќе од 5.300 хектари, а исто така продажбата на опрема, самостојни и автономни земјоделски машини пораснала за дури 213 отсто во оваа земја. Најавена е и дигитална земјоделска платформа која во разни фази собира информации за животната средина, плодноста на земјиштето и растот на посевите, нудејќи научни насоки за управување со полињата.
Извор: agroklub.rs
