Европската комисија предвидува 50 отсто намалување на употребата на хемиски агенси до 2030 година, но исто така забранува хемиска заштита на растенијата во заштитените подрачја Натура 2000.
Земјоделците кои работат на вакви локации најмногу ќе бидат погодени од новата реформа, бидејќи според овие планови треба целосно да се забрани употребата на хемиски пестициди, пренесува Агрархеуте.
Нови правила
На крајот на јуни, Франс Тимерманс, потпретседател на Европската комисија, претстави нова нацрт-регулатива за користење на таквите средства.
Референтната вредност би требало да биде просекот на применети пестициди (kg/ha) од 2015 до 2017 година.
Треба да се напомене дека досега не биле под заштита на подрачјата населени со птици.
Земјоделците критикуваат
На удар ќе бидат голем број земјоделци. Без употреба на пестициди се доведува во прашање нивното производство, пред се житарките и добиточната храна. Резерватите за птици наскоро може да ги имаат истите ограничувања како и природните резервати. Таквата ситуација може да придонесе за појава на протести.
На последната конференција министрите за земјоделство на членките на ЕУ ја изразија својата загриженост, а нивната реакција на планираните цели за намалување и ограничувања во заштитените подрачја беше негативна.
Дел од нив се однесуваа на големиот притисок на производството на храна, високите инпути и потрошувачките цени.
Германскиот министер за земјоделство Џем Уздемир ги поддржува целите на Комисијата за намалување на заштитата на растенијата, но наведува дека се погодени големи површини земјоделско земјиште и потребно е прво да се испита вклучувањето на заштитените подрачја во регулативата и нејзините ефекти.
