За жал, минатата година ќе остане запаметена како година што не им одеше во прилог на земјоделските производители, бидејќи повеќето од нив имаа големи загуби и се чини дека сè беше последица на епидемијата предизвикана од вирусот корона. Сепак, земјоделците во Србија направија сè за да можат барем делумно да ги ублажат загубите што ги претрпеа поради овој вирус, што се чини дека го пороби целиот свет.
Кога беше воведена вонредната состојба, новите регулативи ја оневозможуваа посетата на пазарите – што секако придонесе за лош бизнис, а со тоа и за многу полоша финансиска состојба на многу земјоделски семејства . Минатата година, повеќето од настаните беа откажани (освен они оние што беа организирани во почетокот на 2020 година), па на сите љубителите на добра храна, музика и забава, им беше оневозможено да уживаат во тоа.
Саеми и пазари прку онлајн платформи
Дури и познатиот саем во Нови Сад се одржа преку Интернет, што секако беше голем предизвик за организаторите. Според податоците на саемот во Нови Сад, кој се одржа на платформата expoonline.rs, учествуваа 205 излагачи од осум земји, а го следеа 73.000 посетители. Во Србија исто така биле одржани 312 Б2Б состаноци и 48 професионални собири на кои присуствувале околу 9000 гледачи.
Поради пандемијата, земјоделците во Србија се пробивале на различни начини, многумина се организирале и се појавијле на онлајн пазарите во скоро сите градови. Граѓаните преку платформите можеле да нарачаат овошје, зеленчук, но и други земјоделски производи, кои пристигнуваа на нивната домашна адреса.
Останатите се рекламирале преку страниците на Фејсбук и на тој начин се обиделе да продаваат и да ги пласираат своите производи. Земјоделците изјавиле дека оваа пандемија им донесе многу несреќи, но од друга страна, тие исто така научиле како да ги пласираат своите производи на Интернет.
Продажба преку социјалните мрежи
Во разговор за Агроклуб, Сузана и Петар Ковачевиќ од истоимената фарма во Беочин, рекле дека продаваат на онлајн пазарите во Ветерник и Футог и планираат да се прошират во Нови Сад.
„Добро е што за време на короната и вонредна состојба, имав Фејсбук страница и вршев постојана испорака, така што не ја почувствувавме премногу големата криза“ рече Ковачевиќ.
Минатата година, семејството Јаничевиќ, кое живее во селото Беревче на Шарпланина, се снаоѓало на различни начини. Тие го произведуваат познатото шарпланинско сирење и сега го продаваат преку својата веб-страница, а сè до појавувањето на короната, ги изложувале своите производи на саемите во Косово и Метохија.
„Имавме неколку покани за настап и на саемите во Белград и Нови Сад, сепак повеќето од нив беа одложени поради вирусот” рече Јадран Јанишевиќ.
И Дучица Павловиќ од Брус, која произведува зимница, слатка и џемови под брендот „Дудина теглика“, како и повеќето, ја почувствува кризата поради пандемијата. Таа изјави дека во текот на целата година заработувала на различни начини, бидејќи ниту таа, ниту нејзиниот сопруг не работат, а продажбата на нивните производи е единствениот извор на приход. Павловиќ има своја тезга во Бржеже, а како што вели, поради вонредната состојба, туристите престанаа да доаѓаат, туризмот запре, а со тоа и нивниот бизнис.
Според нејзините зборови, во тој момент финансиски им било многу тешко, но неодамна таа видела групи на социјалните мрежи, па решила да стави оглас, за потоа продажбата повторно да започне , иако во помал обем. Подоцна платила за рекламата на својата страница на Фејсбук и конечно започнала да прифаќа поголеми нарачки.
Како дел од проектот „Чуваркуќа“ биле организирани разни настани насочени кон зајакнување на положбата на жените во селото, а поради пандемијата на корона вирусот, веќе не било можно да се собираат на ист начин, па затоа Фондацијата 021 го започнала подкастот „Претприемачи“ кој еднаш месечно објавувана MultiRadiо.
Се надеваме дека оваа година ќе биде поинаква и дека сите ќе се вратиме на нашите вообичаени активности.
Извор: Агроклуб.рс
