Мексиканската краставица (лат. Sechum edule), шајот или чајот е повеќегодишен вид од семејството на тикви со долго стебло и големи и мали листови.
Плодот на мексиканската краставица се користи како вариво, полнет со месо или сирење, печен, мариниран, кисел и како салата, а младите ластари како салата.
Плодот е богат со најважните амино киселини (особено лизин), клубените се богати со скроб, а младите ластари се богати со витамин Б.
Мексиканската краставица, како и сите тикви, е термофилна билка и бара многу влага, плодна почва и ѓубрење, како и лубеницата.
Се размножува со сеидба, но поуспешно од расад.
Едносемениот плод се сади во февруари (топла леа) накосо, поширокиот дел од плодот е долу, но врвот не се покрива со земја. Растенијата се полеваат на секои 3-5 дена, а плодот расте за 12 до 15 дена.
Расадот се сади во почетокот на мај, на растојание 2 × 2 м. Со растењето на стеблото се поставува потпора (единечна) или во форма на решетката.
Другите мерки за нега се исти како кај лубеницата.
Најчесто се одгледува како повеќегодишно растение (5-6 години). Во континентални услови, пред зима, почвата се прекрива со мулч (компост, слама 10-15 см). Ретко се одгледува како едногодишен вид.
Кај повеќегодишните култури, по бербата на плодот, стеблото се сече до кореновиот врат, растенијата се покриваат со мулч, а на пролет се откриваат. За побрзо формирање на плод, се користи пинцирање, како кај краставицата.
