Европската асоцијација за трговија со житарки, ориз, сточна храна, маслодајни семиња, маслиново масло, масла и масти COCERAL ја објави третата прогноза за приносот во 2023 година.
Вкупниот принос на житарки во Европската Унија, заедно со оној во Велика Британија, се предвидува на 296,7 милиони тони. Тоа е помалку во споредба со 303,5 милиони тони во мартовската прогноза, но повеќе во споредба со 291,1 милиони тони од 2022 година.
Најголемо влијание врз намалувањето на прогнозата има сушата во земјите на северот. Намалени се прогнозите за жетвата во Шведска, Данска и Балтикот, но и за Германија и Шпанија, каде што доцнеа дождовите за посевите со пченица и јачмен.
COCERAL releases third #CropForecast for 2023.
The total #GrainCrop in the EU27+UK is seen at 296.7m t.
This is down from the 303.5m t in the March forecast, but up from the 291.1m t harvested in 2022.
Read why here 👉 https://t.co/uG4MhXjGAl pic.twitter.com/YxRsXn1XC4
— COCERAL (@COCERAL_EU) June 12, 2023Приносот на пченица (без дурум) се очекува да биде 142,4 милиони тони, што е помалку од 144,5 милиони тони во последната прогноза и 42,5 милиони тони во 2022 година.
Јачменот се предвидува на 56,6 милиони тони (59,6 милиони тони во мартовската прогноза и 59,3 милиони тони во 2022 година).
Приносот на пченка сега е 61,3 милиони тони додека претходната прогноза беше 62,3 милиони тони. Сепак, тој е значително повисок од минатогодишниот род од само 52,5 милиони тони. По сушата во 2022 година, Унгарија, Романија, Бугарија и Италија очекуваат поголема жетва.
Кога станува збор за маслодајната репка, се предвидува род од 21,0 милиони тони колку што беше во 2022 година. Доколку сушата на север продолжи во јули, натамошното намалување на прогнозата за производство изгледа многу веројатно.
