Сурутката е течен нуспроизвод во процесот на производство на сирење и останати млечни производи. Содржи многу протеини, јаглени хидрати заостанати при производството на сирење, и сол, пренесува Народни лек. Содржи помалку од 1% белковини и над 93% вода. Богата е со хранливи материи и никако не треба да се фрла. Најдоброто од млекото при неговата преработка во сирење, останува во сурутката. Покрај водата, во неа завршува 96% лактоза, 4% казеин, 50% минерали и соли и 93% протеини, кои содржат многу есенцијални аминокиселини кои брзо се апсорбираат. Есенцијалните аминокиселини се оние кои човечкото тело не ги произведува, туку мора да се внесуваат со храна.
Лековити својства на сурутката
Сурутката има многу лековити својства, кои уште не се во целост истражени. Интензивната употреба, односно консумација на сурутката доведува до забрзана регенерација на болните места во организмот. Сурутката го поттикнува разградувањето на мастите и го зајакнува имунитетот на организмот.
Протеините кои можат да се пронајдат во сурутката имаат позитивно дејство на апетитот. Исто така, сурутката позитивно делува на зголемениот холестрерол, а добра е и во борбата против кариес и забен камен.
Ако страдате од каква било болест на црниот дроб, редовно пијте сурутка. Таа содржи бета-лактоглобулин кој го снабдува организмот со аминокиселини, кои помагаат кај напреднатите болести на црниот дроб.
Редовното консумирање сурутка придонесува и за здравјето на крвниот систем бидејќи го намалува нивото на гликоза во крвта и го снижува крвниот притисок и така го намалува ризикот од болести на срцето и крвните садови.
Како да направите сурутка од млеко
Потребни состојки:
-2 л млеко
-сок од еден лимон
Подготовка на сурутка:
Млекото ставете го на шпорет да зоврие. Додека е уште врело, во него додадете го сокот од лимонот. Смесата оставете ја да се излади. Изладената течност преточете ја во шишиња, кои подоцна ќе ги ставите во фрижидер, каде и се чуваат додека не се потрошат. Талогот што ќе се создаде во шишињата, може да послужи во подготовка на јадења, како пита со зелје или пита со сирење.
Извор: narodnilijek.com
