Согласно Годишните изведбени планови и стратегијата на ЈП Национални шуми, капацитет за производство на репродуктивен материјал во расадниците изнесува 5-6 милиони шумски садници, а потребите согласно Годишните оперативни планови е од 3-3 ипол милиони садници.
Капацитетот за производство на репродуктивен материјал се менува во зависност од обврските согласно Годишните изведбени планови и потребата на пазарот. Вкупните капацитети за контејнерско производство во јавното претпријатие се современи моделни 20 бокса од кои 15 мрежници и 5 пластеници со можни шест миолиони садници, а останатите се по класичен начин на производство и корисна површина од 15-20 хектари.
Контејнер производство на шумски садници се реализира во расадниците во подружниците во: Свети Николе, Куманово и Струмица, а класично во: Берово, Делчево, Радовиш, Кавадарци, Велес, Скопје, Демир Хисар, Ресен и Кичево. Расадници кои имаат поголеми капацитети за производство на шумски садници се во подружниците во: Свети Николе, Куманово, Струмица, Делчево, Радовиш, Кавадарци и Берово.
Во зависност од извршување на шумско-одгледните работи и во согласност со законската регулатива, Законот за шуми (Посебните планови за стопанисување со шумите, Годишните изведбени планови, Проширена репродукција на шумите) и фенологијата на уродот на дрвните видови се креира и Производната програма во расадниците во состав на ЈП Национални шуми.
