Целта на оваа дискусија, посочуваат организаторите, е поттикнување на соработка на овие надлежни институции со граѓанското општество во интерес на намалувањето на загадувањето и детектирање на причинителите.
Здружението на граѓани Медиа Плус – Штип денеска ќе организира јавна дискусија насловена „Во потрага по загадувачите на реката Брегалница”, во рамки на проектот „Утопија? Бистри води, зелен Исток”, кој се спроведува во периодот од мај 2021 до февруари 2022 година.
Целта на оваа дискусија, посочуваат организаторите, е поттикнување на соработка на овие надлежни институции со граѓанското општество во интерес на намалувањето на загадувањето и детектирање на причинителите.
Како што информираат од Здружението, на настанот ќе биде промовиран Извештајот од мерењето на квалитетот на водата и составот на седиментот во реката Брегалница, како и резултатите од активностите од проектот.
– Независните мерењата се нарачани и направени за потребите на проектот, а ги спроведе професорот Ѓорѓи Димов и Универзитетот „Гоце Делчев” од Штип, преку овластената лабораторија АМБИКОН -УГД, во периодот од мај до ноември 2021 година. Примероците за анализите се земени од едно мерно место во три периоди од годината на пролет, лето и на есен. Пролетниот мониторинг е извршен во време на поголем водостој, а летниот и есенскиот во време на ниска кота на нивото на реката. Теренските примероци во сите три мерења се земени во близина на населбата Балканска, на почетокот на терасните седименти во кои се изведени бунарите за водоснабдување на градот Штип, информираат од Здружението на граѓани Медиа Плус – Штип.
На настанот се очекува да се обратат: проф. д-р Ѓорги Димов, автор на Извештај од анализата на води и речни седименти од река Брегалница, д-р Петра Поп Ристова, микробиолог, проф. д-р Дејан Мираковски, експерт по загадување на воздухот, раководител на „Амбиком” и м-р Васко Златковски, експерт за земјоделство и рурален развој.
