Германски сточар, за своето говедо од расата Wagyu заработил неверојатни 50.000 евра, а моментално на фармата одгледува околу 500. Станува збор за скапоцено говедо од јапонско потекло со добри гени и месо со врвен квалитет.
Мајкл Лочен, заедно со татко му Карл – Неинц раководи со сточарската фарма Wagyu Auetal, сместена во германската покраина Долна Саксонија, во местото Гарел. На фармата одгледуваат говеда од расата Wagyu кои всушност се скапоцени говеда од јапонско потекло.
Имено, овој вид на говедо станува популарно во Европа бидејќи има мермерно исшарано месо и голем процент на незаситени масни киселини, па според тоа претставува извонредно здрав производ. За килограм од ова месо ќе морате да издвоите од 400 – 600 евра. На фармата одгледуваат над 500 говеда од оваа раса, а она што е изненадувачко е сумата на пари за која јуница стара 14 месеци е продадена на аукцијата Wagyu.de. Текот на аукцијата и понудените износи ги коементира продавачот и одгледувач Лошен.
Минатата година е продадена јуница за 40.000 евра
Имено, почетната понуда за ова говедо кое одгледувачот го нарекол Пајоко била нешто помала од 10.000 евра, но на аукција се искачила до неверојатни 50.000 евра за колку што понудил купувачот од Северн Рајна – Вестфалија.
– „Минатата година на аукција ја продадовме нејзината сестра, јуницата Пачико по висока цена. Слично очекувавме и за Пајоко“, вели Лошен. Тогаш за неа еден одгледувач понудил над 40.000 евра на аукција на фирмата Мастеринд во Бетхен. Сите се прашуваат зошто ова говедо се продава за така висока цена?
Потекло од легендарниот бик
Генетиката која ја користи сточарот Мајкл ги исполнува сите барања за врвен квалитет. Имено, на фармата во Гарел се наоѓаат потомци од легендарниот бик Itozuru Doi TF151 од кој ги наследиле веќе споменатите, добри карактеристики.
Неговото семејство ја одгледува оваа раса од 2012 година кога започнале само со 6 животни. На животните им обезбедуваат физичка активност што е клучна за доброто месо, а често им се пуштаат и музика за опуштање. Исто така, им е обезбеден и голем шталски простор и пасење на свежа трева. Како што откриваат, одгледувачите сакаат да го зголемат производството на 1000 говеда до крајот на следната година. Мајкл и неговиот татко Карл-Хеинц Лошен сега се најголеми германски одгледувачи на расата Wagyu која потекнува од Јапонија, а често се нарекува и кобеанско говедско што е неточно бидејќи, сите кобеански говедска спаѓаат на расата Wagyu, но името Коби го носи само она кое потекнува од јапонското црно говедо, од сортата Тајима.
Извор: Agroclub.ba
