Најголем пораст на извозот во август се однесува на Кина, САД и Јапонија, објави Европската комисија.
Најновиот месечен извештај на Европската комисија за трговија со земјоделски и прехрамбени производи покажува суфицит од 2,93 милијарди евра во август 2019 година, што претставува зголемување од 29% на суфицитот на надворешно-трговската размена во однос на ланските бројки за истиот период.
Вредноста на извозот на земјоделски и прехрамбени производи во истиот месец се зголеми во однос на претходната година и достигна 12,07 милијарди евра (пораст од 5,6%), додека месечниот увоз се намали за 0,2%, на 9,14 милијарди евра.
Споредувајќи ги месечните извозни вредности во август 2019 година со август 2018 година, најголеми зголемувања се забележани за Кина, САД и Јапонија. Секторите кои беа успешни во август 2019 година се пченица, свинско месо, и ликери и сирење.
Раст на извозот на земјоделските прехранбени производи на ЕУ.
За потсетување, во почетокот на октомври, Европската комисија објави и краткорочен извештај за земјоделството, а кој дава увид во поголемите трендови, земјоделството и трговијата на земјоделските пазари за 2019 и 2020 година.
Рекорден извоз на свинско месо и домати во ЕУ, закрепнување во производството на житни култури
Меѓу другото, тие изјавија дека и покрај исклучително жешкото и суво лето, производството на житни култури во ЕУ треба да достигне 312 милиони тони до 2019/20 година. Само пченката беше навистина погодена од сушата, каде се очекува производството да се намали за 4%, достигнувајќи 66,5 милиони тони. Наспроти ова, производството на пченица и јачмен треба да се зголеми за да достигне 145 милиони тони (зголемување од 12,5% во текот на 2018/19 година) и 61 милиони тони (10% зголемување за најмалку една година) .
Извор: https://www.agroklub.rs/
