Италијанското Министерство за земјоделство ги довршува прелиминарните мерки за пуштање во околината на самурајските оси, односно природниот грабливец на веќе добро познатиот штетник на овошјето кој на тамошните овоштари минатата година им нанесе штета во вредност од половина милијарда евра. Усвојувањето на уредбата со која во Италија ќе користи самурајски оси во билошката војна против смрдливките (Halyomorpha halys) се очекува овие денови, изјавил италијанскиот државен службеник за земјоделство Џузепе Лабате.
Министерството за заштита на околината и италијанската истражувачка агенција ISPRA ја одобрија постапката која е потребна за пуштање на овој вид на оси во италијанскиот еко-систем. Првото пуштање предвидено е во втората половина на јули, а второто во средината на август. Имено, „војската“ од мали инсекти е задолжена за водење на биолошка војна против кафеавите смрдливки кои во Европа се доведени од Азија со меѓународен транспорт уште во 2004 година.
Според истажувањата, азиската самурајска оса (Trissolcus japonicus) се храни со јајцата на овој штетник и така ја намалува неговата популација. Имено, овој вид на штетник е за прв пат откриен во Италија не така одамна во 2012 година а од тогаш се размножија и прават штета во шест региони на северот на земјата.
Големи штети за овоштарството, но и за градинарството
Смрдливките најмногу ги напаѓаат лешниците, крушите, јаболката, киви, праски, цреши и вишни, а нивното ширење предизвика огромни економски загуби за производителите на овошје но и на зеленчук. Потсетуваме дека, оваа година ги загрозија светските залихи на лешници и ги опустошија овоштарниците во Турција, а во Италија минатата година уништија над 40% на родот со лешници. Тогаш од организацијата на земјоделци Колдирети напоменуваа дека мора да се зајакне одбраната од овие штетници истакнувајќи дека за биолошка контрола би била добра самурајската оса.
Владата издвоила само 80 милиони евра за оштета
Крајот на март Евроспката комисија донесе акт со кои ги задоволи италијанските барања за дополнителни мерки за надокнада на штетите, како и поедноставен пристап на оштетените производители до итните мерки за обесштетување, во рамки на Заедничката земјоделска политика.
Во овогодинешната пресметка италијанската влада издвоила само 80 милиони евра за да може да ги нандокнади штетите на земјоделците, што е мал износ во споредба со проценетата штета поголема од 500 милиони евра, пишува еуроактив.
Самурајските оси ги користат таму каде што не се употребени пестициди
Ослободувањето на самурајските оси е направено после тригодишната национална програма за биолошка контрола на смрдливкте која ја спровела владината организација за земјоделски истражувања и анализа на земјоделските стопанства.
Во текот на истражувањата популацијата на осите ставена е во карантин во италијанскиот еко-систем, не само поради проверка на нејзиниот потенцијал против штетниците, туку и поради проценка на можното влијание на околината. Во регионот Пијемонт, тие ќе се користат на 100 места кои не поминале третман со пестициди, за да се избегне нивна смртност. Во секое место во два наврати во рок од 20 дена ќе бидат пуштени 100 женски и 10 машки оси.
Извор: Агроклуб
