Млад кромид можете да одгледувате вертикално на прозорската штица користејќи канистер за вода од 5 литри. Канистерот штеди простор, а исто така е практичен за преместување.
Постапка: Најнапред пресечете го врвот на канистерот. Потоа со помош на нож, ножици или загреан метален алат на канистерот се прават отвори. Отворите треба да се внимава да бидат помали од главиците кромид, но доволно големи за луковиците да растат преку нив. Потоа се полни канистерот со слоеви кромид и земја. Продолжете да ги редите слоевите се додека не стигнете до врвот на канистерот, по што се залева со вода. На крајот со провидна селотејп трака залепете го горниот дел што го исековте но така што ѕидовите на горниот дел да влезат со канистерот. Ова е важно за да не истекува водата кога следниот пат ќе го поливате кромидот. Сега можете да го ставите канистерот на даската на прозорецот и да гледате како расте вашиот млад кромид во вашата вертикална градина.
