Кинеската компанија „Huawei“ започнува со развивање на технологијата која е насочена кон препознавање лица, а со тоа планираат да ги надгледуваат свињите на фармите, пренесува foodandfarmingtechnology.
Од „Huawei“ сметаат дека со помош на тој надзор ќе може да се отркие и да се спречи ширење на болести меѓу стоката. Исто така на тој начин сакаат да го следат нивното однесување, движењето и тежината.
Како што коментираат познавачите, ова би можел да биде добро промислен потфат бидејќи Кина е најголемиот светски производител на свињи со проценети 38 милиони тони месо произведено минатата година. Во Кина има околу 310 милиони свињи, што значи половина од популацијата на свињи во светот.
Бидејќи африканската свинска чума се шири низ светот, унапредувањето на технологијата во овој сектор им станал главен фокус.
„Одгледувањето на свињи е уште еден пример како се обидуваме да ревитализираме некои традиционални индустрии со помош на информациска и комуникациска технологија“, рекол портпаролот на „Huawei“ за BBC.
