Прекуграничниот проект „Земја на виното” е при крај, готов е објектот од 700 квадратни метри во Росоман, со чија реконструкција добивме Центар за промоција и продажба на типични производи и туризам.
За ова вчера информираше Виолета Јанкова, директор на Фондацијата „Тиквешки вински пат”, која одбележува 14 години постоење.
– Се чека опремата за во Центарот. Следат изработка на каталози, како и конференции и работилници, во живо или онлајн, зависно од препораките за превенција од вирусот Ковид-19, рече таа за МИА.
Јанкова потсети дека станува збор за прекуграничен проект со Грција и дека партнер на Фондацијата од македонска страна, е општината Росоман. Проектот изнесува над 500 илјади евра. Јанкова исто така додаде дека за овие 14 години, како Фондација реализирале низа проекти, вредни над милион евра.
МИА
