Искусниот агроном Сердар Кајнар од Турција е консултант за производство на калинка, маслинки и цитрусно овошје, со над триесет години искуство. За време на втората од три обуки кои се одржуваат во текот на оваа година, тој сподели практични совети со тимот на компанијата АБГ инвестмент која произведува природен сок од калинки под брендот КУВЕТ на насадите на производителите на калинки во Валандовско, преку индивидуален менторски пристап. За време на посетата, разговараме за потенцијалот за одгледување на калинка во земјава, можностите и предизвиците.
- Што мислите за локалните сорти на калинка во валандовскиот регион? Каков е потенцијалот за развој?
Локалните сорти на калинки кои се одгледуваат во земјава се поотпорни на климатски промени и прекрасен вкус, но не трпат транспорт и поради тоа немаат можност за извоз како свежи. Од друга страна, новите насади од сорти како Хиџес или Вондерфул, за кои има побарување и пазар во Европа и светот, имаат поголема сензитивност при одгледувањето и советите беа насочени кон одгледувањето на овој тип калинки.
Постои голем потенцијал за развој на производство на калинка кај вас. Она што недостасува е соодветен систем за наводнување и примена на правилни агротехнички мерки. Доколку тоа се реши, има огромен потенцијал за успех.
- Веќе одржавте една обука пред земјоделците. Има ли спремност за стекнување нови знаења?
Во земјоделството процесите бараат навистина многу време, труд и трпение. Морам да кажам дека луѓето овде го имаат истиот менталитет како во Турција. Проблемите со кои се соочуваме се истите. Можам да заклучам дека земјоделците ми веруваат. Луѓето се отворени за учење нови работи и лесно ги прифаќаат советите. Што се однесува до самата култура, доколку се примени правилен начин на одгледување, калинките може да бидат одлична култура за извоз, со оглед на близината на Северна Македонија до Европа.
- Кои би биле придобивките за земјоделците од студиската посета во Адана?
Студиската посета само би значела полесен пренос на знаење и придобивки за сите присутни на долг рок и потврда дека со правилно одгледување на калинката може да се постигне многу и да разменат добри практики со искусните земјоделци од Турција.Морам да напоменам дека присуството на локален агроном како Горан Балески беше од огромна помош бидејќи имаше големо разбирање за темата и успеа моите совети да ги пренесе на правилен начин до останатите земјоделци.
Швајцарската програма за зголемување на пазарната вработливост – ИМЕ обезбедува сеопфатна поддршка за зголемување и модернизирање на продизводството на калинка и преработки од калинка во валандовско-гевгелискиот регион.
Автор: Ема Јакимовска – Швајцарска Програма за зголемување на пазарната вработливост – ИМЕ
