До редакцијата на Агротим се обратија земјоделци од Градско, Водоврати и Виничани со барање да информираме за проблемот кој го имаат околу наводнувањето.
Имено, веќе седми ден каналот на Тиквешко поле е без вода, а немаат никакви информации до кога ќе бидат без можност за наводнување на земјоделските површини.
Агротим побара информација за ваквата состојба и кога овие земјоделци ќе добијат вода.
Првиот човек на министерството за земјоделство, шумарство и водостопанство- Арјанит Хоџа не информира дека е запознат со случајот и дека веќе во текот на денешниот ден водата ќе дојде до нивите на земјоделците.
-Се работеше за поголем дефект на мрежата за наводнување кој е веќе надминат и денеска земјоделците ќе имаат вода. Со оглед дека овие површини се последни во линијата, тој дел ќе добие вода до вечер или утре најдоцна – информира Хоџа.
