Руското раскинување на договорот за коридорот за житарки од пристаништата на Црното Море ја зголеми цената на житарките. Да потсетиме, Русија ја обвини Украина дека користи дронови за напад на Црноморската флота на Крим, и тоа го наведоа како причина за раскинување на договорот.
Во неделата ниту еден брод не го напушти пристаништето во Црното Море, а најавата за блокада веднаш предизвика реакција на светскиот пазар.
Глобалните цени на житарките нагло скокнаа
Така, на парискиот MATIF, како што пишува Agrarheute, цената на пченицата се зголеми за речиси 13 евра на 350 евра/т. Вредноста на пченката се зголеми за 10 евра и сега изнесува 346 евра/т, додека тон семе од репка се продава за 658,25 евра. Зголемување од пет проценти забележа пазарот во Чикаго веднаш откако дозна за блокадата на коридорите за жито.
Меѓу блокираните бродови има и еден кој превезувал десетици илјади тони пченица наменета за Светската програма за храна за итна помош на Рогот на Африка, изјави украинскиот претседател Володимир Зеленски. Украинското Министерство за инфраструктура соопшти дека се блокирани 218 бродови.
397 бродови ги напуштија пристаништата
Наведоа и дека од 1 август пристаништето го напуштиле 397 бродови, кои превезувале 9 милиони тони украински земјоделски производи во земјите во Африка, Азија и Европа. Напоменаа дека се подготвени да го продолжат извозот на земјоделски производи согласно постигнатиот „Договор за житни култури“.
Беше предложено делегациите на Турција и ОН да обезбедат 10 инспекциски тимови за проверка на 40 бродови. Договорот бараше двете земји во конфликт да ги координираат инспекциите и транзитот на бродови низ Црното Море со помош на ОН и Турција.
Напишете коментар