Туристи од Германија пронашле изгладнета, дехидрирана и повредена овца во близина на казнено-поправните згради на Голи Оток во приморско-горската жупанија во Хрватска.
„Била во состојба пред смртта“, вели Љубица Шимуновиќ, која раководи со Здружението за заштита и благосостојба на животните на островот Раб.
„И дале вода колку што имале при рака и и помогнале да се напие малку, а ја нахраниле и со леб“, вели таа, нагласувајќи дека е срамно да наидува на вакви сцени.
Според нејзините зборови, очигледно е дека на тоа место живее стадо овци, а не само тоа.
„Се гледа од свежиот измет, а во една од зградите каде што е пронајдена има повеќе трупови и коски од оние што угинале претходно“.
Реагирало и Здружението Пријатели на животните.
„Овцата е означена со маркица MP HR 1 304 59702, исклучително е слаба и преполна со рани“, објавија на својот фејсбук-профил. Велат дека побарале итен надзор за да му се помогне на животното пред да умре од глад, жед и инфекција.
Ова го потврдува и Љубица, која вели дека веднаш реагирале со пријавување во Риечкиот ветеринарен инспекторат, кој го известил сопственикот дека овцата мора да биде однесена на лекување кај ветеринар, а не се знае каде завршила.
„Веќе не ја нашле, а веруваме дека сопствениците ја отстраниле“, заклучила таа.
