Германија и понатаму се ослободува од залихите на свињи, a сепак цените растат

И во Германија, како и во другите земји на ЕУ, како Шпанија, Белгија, Австрија и Италија, исто така е забележен пораст на цените.

По прв пат оваа година цените на свињите во Германија почнале да растат. Според Здружението на германските производители (VEZG) цената изнесува 1,21 евра по килограм, што иако е зголемување од само 2 центи, како што се тврди, е знак дека тој тренд ќе продолжи.
Во оваа држава минатата недела поради неповолните временски услови биле заклани помалку свињи. Сепак, редот се намалува. Според Сојузот на свињоодгледувачи во Германија се заклани околу 90.000 свињи, а треба да бидат заклани уште 530.000.

Затоа, како што наведуваат во своето соопштение, важно е да се пласира месото преку малопродажба. Како добар пример се наведува еден познат трговски синџир кој има голема акција на продажба на свинско месо, XXL пакети со нагласување дека се работи за месо од домашно потекло.

За сточарите претставува проблем и дебелината на животните кои не се заклани на време, а просечната тежина изнесува 100,4 килограми, наведува Аgrarheute.

Цената за прасињата до 25 килограми за периодот од 15 до 21 февруари е 32,50 евра по грло, што е уште едно зголемување во однос на неделата пред тоа, кога цените биле 2 евра пониски.

Раст и во другите земји

Во другите земји на ЕУ како Шпанија, Белгија, Австрија и Италија исто така е забележан пораст на цените. Како резултат на тоа ISN го наведува падот на понудата, но и фактот дека постојат позитивни трендови што се однесуваат на побарувачката. Тоа најпрво се однесува на попуштањето на епидемиолошките мерки. Меѓутоа, во Германија тоа не е случај.

Земјите кои извезуваат во Кина бележат уште повисоки цени, но да потсетиме, Германија и понатаму не смее да извезува поради африканската свинска чума. Цените во склад со извозните можности се разликуваат помеѓу европските земји, а понекогаш и внатре во поедини држави. Така на пример, помеѓу Шпанија и Германија разликата е од 38 центи за килограм од овој вид месо.

Целата ситуација со падот на цените предизвика тешка ситуација и на нашиот пазар. Домашните одгледувачи станаа неконкурентни во однос на цената на свинското кое доаѓа од ЕУ, а вишокот произведен во Германија заврши на пазарите на нашите земји рушејќи ја цената на откупот за дури 29 посто.

Извор: agroklub.com