Сезоната на дивиот лук во Германија, или како што уште се нарекува мечкин лук, започна минатата недела. Првите количини произведени во стакленици , пристигнаа во продавниците на југот на земјата. Време е за чистење на организмот и за борба против пролетниот замор, време е за мечкиниот или дивиот лук. Како и да го наречете, ова диво растение, всушност им ја враќа енергијата на мечките после зимскиот сон и тоа е нивниот прв пролетен оброк кој им обезбедува сè што им е потребно. Ако е добар за мечките кои можат да тежат и по 500 килограми или повеќе, тогаш е добар и за луѓето.
Неговите позитивни дејства ги препознале и градинарите, па така успешно се одгледува во Австрија, Белгија и Германија. Така, германската сезона на див лук, како што се нарекува на запад, започна минатата недела. Првите количини одгледувани во стакленици пристигна во продавниците на југот на земјата.
Голема е побарувачката од страна на купувачите
Побарувачката како што пишува freshplaza е зачудувачки голема. На пример, во продавница во Гепинген, апсолутно сè што пристигнува тој ден е распродадено.
„Оваа година, дивиот лук е повторно достапен многу порано. Изгледа дека веќе пристигна пролетта“, вели сопственикот на специјализираните продавници Гитлер.
И покрај раниот почеток на сезоната, квалитетот на производите од стаклениците е многу добар, како и побарувачката од страна на муштериите. Оваа година природата се разбуди многу порано од вообичаеното, како всушност, таа дури и да не спиела. Љубителите на самоникнатите растенија веќе уживаат во раните плодови на ливадите и шумите. Сепак, мечкиниот лук сè уште не е во фаза за берење. „ Посебно оние што не се способни да ги разликуваат растенијата, не се во состојба да ја проценат фазата на детерминација на дивиот лук“, раскажува сигурен извор.
Мечкиниот лук (Allium ursinum) расте во низините и во шумските области. Најчесто го има во буковите шуми, а за да расте му треба сенка и влажна почва. Иако сите делови на растението се јадат – од луковица до зелените плодови, највкусни се младите лисја што треба да се соберат пред цветањето.
Внимателно при берењето
Купувајте го ова растение само од продавачи кои се апсолутно сигурни дека знаат што набрале. Исто така, ако одлучите сами да берете мечкин лук, одете со некој кој ги познава дивите растенија за да избегнете заменување со некое друго растение кое може да биде и смртоносно ако се користи за јадење.
Мечкиниот лук можете да го одгледате и во градината, но при берењето бидете многу внимателни
Постојат неколку начини како да го консумирате ова диво растение – свежо како салата, во супи или чорби. Се разбира, најдобро е да го јадете свежо, но ако го имате во големи количини што нема да можете да ги искористите, можете да го поделите со соседите или да направите песто.
Песто од мечкин лук
На 100 грама мечкин лук ви требаат 30 мл маслиново масло, 20 гр тврдо сирење (пармезан или во веганска верзија 20 грама квасец ), 20 гр ореви (или бадеми, индиски ореви или фстаци), сол и бибер по желба. Сите состојки пасирајте ги во блендер , се додека не добиете кремаста текстура. Префрлете ја смесата во тегла и прелијте ја со малку маслиново масло. Вака припремено песто може да се чува во фрижидер до 10 дена. Можете да го користите за тестенини, за супи и чорби.
Извор:Агроклуб
Напишете коментар