Во склоп на кампањата, Европската организација за заштита на растенијата (EPPO) креираше плишана маскота – инсект „Beastie The Bug“, која има вграден GPS уред и истата е дистрибуирана низ цел свет, која денеска, директорот на Фитосанитарната управа Ментор Зекири, му ја предаде на министерот за земјоделство, шумарство и водостопанство Трајан Димковски.
Согласно насоките на IPPC, EPPO и FAO, плишаната маскота ќе биде дел од активностите на министерството, а ќе биде комуницирана и целокупната јавност, по примерот на останатите европски држави кои земаат активно учество во одбележувањето на Меѓународната година за здравје на растенијата.
Министерството за земјоделство, шумарство и водостопанство на Република Северна Македонија, најодговорно се приклучува кон светската кампања и ќе преземе низа активности за подигање на свеста за значењето на инсектите, кои ќе се одвиваат во текот на целата година.
