Првата подводна фарма во светот, наречена „Градината на Немо“, по многу долга пауза, повторно започна да произведува овошје и зеленчук. Акцентот е ставен на јагодите и зелената салата.
Во 2012 година, Групацијата „Ocean Reef“ создаде единствена структура која се состои од шест подводни оранжерии долж брегот на Ноли, во Италија.
Чекор по чекор, проектот започна да произведува различни билки, како што се босилек, различни видови салата, домати, тиквички, грав, грашок, алое вера, печурки и јагоди.
Координаторот на проектот вели дека секоја година откриваат нешто ново, а тоа вклучува еко-туризам, одгледување риби, одгледување алги, лаборатории за научно истражување или станици за следење на подводни диви животни.
Проектот претрпе сериозна штета поради невремето во октомври 2019 година и мораше скоро целосно да биде прекинат. Потоа следеше нов предизвик – ковид-19, но тимот успеа да ја зачува фармата и да ја направи поотпорна од кога било.
