Амбасадорката на САД Н.Е. Кејт Мари Брнз ги посети СОУ „Гоце Делчев“ Валандово и инфо-центарот „Спојувалка“.
Одблизу се запозна со работата на средното општинско училиште, практичната настава на учениците која се одвива таму, иновативните процеси кои се воведени, како и со развивањето на училишната економија.
При посетата на инфо-центарот „Спојувалка“, амбасадорката одржа дискусија со млади од општина Валандово и од Р Грција на тема „Животот на младите од двете страни на границата“. Покрај тоа, беше запознаена со досегашните активности на младинскиот центар и со целите за младинско поврзување во иднина.
„Се запознаваме подобро, втемелуваме заеднички визии и заедно креираме развој. Пријателствата се нашата вредност. Ги негуваме, ги продлабочуваме и заеднички напредуваме“, напишаа од општина Валандово на нивната фејсбук-страница.
