Здружението на производители на лешници од Грузија се грижи истовремено и за производителите и за купувачите
Здружението на производители на лешници од Грузија (GHGA) неодамна започна аукција преку интернет.
Целта е, од една страна, е да им помогнеме на земјоделците да го продаваат своето производство по највисока можна цена. Од друга страна, да им помогнеме на купувачите да добијат квалитетни плодови, пишува „ИстФрут“.
Во оваа фаза беа продадени 66,5 тони лешници. Од Здружението наведуваат дека иницијативата не е профитабилна за никој освен за продавачите. Првата од аукциите беше на 29 октомври, по што се случија уште 5 аукции.
Платформата јасно дава до знаење дека цените на нечистениот лешник оваа година се движат од 1,76 до 2,34 долари за килограм.
Лешниците на аукциите преку интернет можат да ги продава секое физичко или правно лице кое претходно склучило договор со Здружението и ја обезбедило потребната документација, вели извршниот директор на ГХГА, Георги Тодова.
Во моментот на аукцијата, Здружението објавува информации за производот што се продава , во кој се наведени видот, тежината на серијата, просечната тежина на јадрото и нечистениот лешник, информации за визуелните и скриените дефекти, како и нивото на влажноста на јадрото.
Во присуство на продавачот, сите податоци се проверуваат во лабораторија. Аукцијата тогаш се објавува. Трае 3 часа, а победник е тој што ќе понуди највисока цена.
Информациите за продавачот и купувачот се доверливи, додава Тодова. На веб-страницата на Здружението се објавува само оглас дека продажбата е направена по соодветна цена.
Според Тодова, ваквите аукции на Интернет ќе бидат организирани се додека резервите на лешници не се исцрпат од овогодинешната реколта. Паралелно, Здружението, врз основа на информациите што ги добиле, ќе продолжи да им помага на земјоделците и купувачите. Главно клиенти се грузиски компании за преработка на лешници кои потоа ги испраќаат своите производи во странство.
Извор : https://agri.bg/
