Европската Унија најмногу соја увезува од Бразил, а потоа следат САД и Аргентина. Во 2021 година Бразил извезе рекордни 86,1 милиони тони. Во март извозот изнесувал 12,3 милиони тони што е за 3,1 отсто помалку од 12,7 милиони тони една година порано. Во последната недела од месецот се искачил на 4,8 милиони тони, во однос на 3 милиони тони претходно.
Глобалното производство на оваа земјоделска култура се очекува да опадне благо за 0,6 отсто на 364 милиони тони во 2022 година поради помалото производство во Бразил, Аргентина, Парагвај, Кина, Канада, Индонезија, Виетнам и Јужна Африка. Покрај сушата што ја зафати Јужна Америка и делови од Африка, голем проблем е и набавката на неоходните ѓубрива, хербициди и пестициди.
Затоа, не е изненадувачки што земјите членки ги здружиле силите за донесување стратегија за растителни протеини низ ЕУ, но, како што пишува Euractiv, Европската комисија во моментов не сака да преземе таква иницијатива.
Австриската делегација дала предлог според кој ЕУ би усвоила европска стратегија за растителни протеини со цел да ја намали зависноста од увоз. Елизабет Кестингер, австриската министерка за земјоделство, рече дека стратегијата ќе помогне да се подобри европското производство и да се фокусира на локалните синџири на снабдување, истовремено иницирајќи истражување и иновации во одгледувањето протеински култури, особено на неискористено земјиште и еден вид резерва. Кестингер нагласи дека не постои земјоделски сектор во кој Унијата е јасно зависна од увоз, како што е случајот со растителните протеини.
