Најавена е иницијатива наречена „Фарма за иднината“ која ќе претставува поддршка со која земјоделците ќе можат да обезбедат долгорочна економска одржливост на млекарските фарми за наредните генерации, со акцент на намалувањето на емисијата на стаклени гасови и почитување на благосостојбата на животните.
Иницијативата „Фарма за иднината“ ја започнаа осум лидери од млечната индустрија, а програмата ќе се одвива во текот на следните три години, во почетокот на 25 млечни фарми во Европската унија, САД и Русија. Ќе се обидат да најдат решенија и иновации за различни модели на одгледување, големини на фарми и географски територии за да имаат увид во секторот. Исто така ќе применуваат најдобри практики со цел да се развие нов пристап. По две години, тие планираат да вклучат 2.500 краварски фарми.
Соработката започна уште минатата година поради млекопроизводителите кои требаше да ги променат своите производствени практики за да ги исполнат очекувањата и барањата на потрошувачите за одржливо производство, а исто така да решат и голем број на проблеми поврзани со земјоделството кои влија врз животната средина и здравјето.
Млекопроизводството учествува со 2,9% воемисијата на стаклени гасови
Млекопроизводството, спаѓа во поголемите земјоделски гранки на ЕУ и претставува повеќе од 12 % од вкупното земјоделско производство. Според прдвидувањата на ЕУ се очекува побарувачката на млечни производи, посебно на сирењето, и понатаму да продолжи да расте, а тоа ќе придонесе за поголемо производство на млеко во ЕУ.
Како дел од тригодишната кампања „Одржливо производство на млеко во Европа“, утврдено е дека сегашното производство на млеко и месо имаат 4% од глобалните емисии на стаклени гасови, при што производството на млеко учествува со 2,9%.
Отпорноста и одржливоста се клучни за иднината на млечниот сектор
Отпорноста и одржливоста може да се постигнат преку иновации а со тоа ќе се усогласат и потребите на земјоделците за да можат да заработат за живот. Исто така и побарувачката на потрошувачите за прифатливи и квалитетни млечни производи ќе можат да се задоволат како и барањата за заштита на животната средина и здравјето на животните.
Меѓутоа, ова е сложен процес за кој е потрбнна поддршка од целокупниот прехрамбен ланец. Имајќи го тоа предвид,, Фарма за иднината, предводена од глобалниот водач на прехранбената индустрија Данон, се потпира на стручноста на целиот ланец.
Универзитетот Вагенинген во Холандија, кој е познат по своите истражувања за производство на храна, ќе биде партнер за истражување и советување, а земјоделците ќе бидат вклучени во секој чекор, обезбедувајќи одржливост на практиките прилагодени на локалните и географските карактеристики.
Коментирајќи ја оваа иницијатива, Јан Гаел Рио,(Yann Gael Rio) потпретседател на компанијата Данон, за Евроактив изјави: „Регенеративното земјоделство е решението за многуте еколошки и здравствени предизвици со кои се соочуваме денес“.
Тој додаде дека иницијативата „Фарма за иднината“ вклучува експертски тим од сите засегнати страни за да може да обезбеди решенија, како и тест иновации во оваа област.
Таквото партнерство е добар пример за тоа како компаниите од целиот сектор можат да работат заедно за подобрување на одржливоста и изнаоѓање нови начини за создавање додадена вредност во прхрамбениот ланец , додека пак сите членови на конзорциумот ги нудат своите иновативни решенија за подобрување на млечните производи, вклучувајќи и техники за заштита на земјоделски култури, како и дигитални решенија со кои ќе се овозможи подобар мониторинг. Тоа вклучува иновативни производи кои го фиксираат кислордот во почвата и техники за одгледување на земјоделски култури кои го подобруваат квалитетот на силажата. Таквата силажа е полесно сварлива, со што се подобрува здравјето на кравите кои, покрај тоа, произведуваат помалку емисии на метан и со тоа помалку влијаат врз климатските промени.
Овој вид соработка може да им помогне на земјоделците да се придржуваат до Зелениот договор и до новите барања за одржливост, исто така и да ги наградат со примена на одржливи практики.
Извор: Агроклуб.рс
