Здруженијата “Animal health Europe” и “Health for Animals” го објавија глобалниот план со 25 стратегии кои се однесуваат на намалувањето на употребата на антибиотиците во сточарското производство како и кај домашните миленици. Во овој амбициозниот план кој сакаат да го остварат до 2025 година, досега се вложени повеќе од милијарди евра, а се состои од три главни пристапи: заштита од болести и контрола на истите, рано откривање и брз и прецизен третман.
Како што објаснуваат, поддршката на меѓународните и регионалните организации, се сотои во подобрување на превенцијата, откривањето и лечењето на болестите на животните и промоцијата за користење на повеќе алатки за здравствената состојба. Исто така потребно е и намалување на употребата на антибиотици.
Според нивното мислење, пред се потребни се иновации кои ќе помогнат животните да се одржат здрави, да се сочува нивната благосостојба, да се дијагностицираат болестите и правилно да се лечат.
За да се постигне тоа, здруженијата сметаат дека ќе бидат потребни најмалку 9,1 милијарди евра за истражување и развој со цел да се добијат планираните 100 нови вакцини, 20 алати за дијагностика, 20 нови прехранбени и 30 други производи кои можат да ја намалат потребата за антибакетериски лекови.
Тука се и инвестициите за едукација на ветринарите.Потребно е да се едуцираат над 100.000 ветеринари кои ќе бидат задолжени за соодветна употреба на лековите. Исто така ќе треба и да се вложат најмалку 4,5 милиони евра во стипендии.
Треба да се изработат и нови алатки со кои ќе се намали изложеноста на луѓето на бактерии како Salmonelа, Campylobacter и E.coli. Исто така треба да се спроведе и анализа на ризик за секој нов антибиотик кој ќе се пласира на пазарот.
Намалуавњето на употребата на антибиотици може да биде изводливо само ако се користи научна основа и методи кои правилно ќе се пренесуваат на јавноста. За да се постигне тоа на глобално ниво здруженијата планираат повеќе да дискутираат за предностите на биолошката безбедност, додатоците на исхраната, за вакцините и производите кои добро ќе делуваат врз здравјето на животните.
Затоа планирано е да се обезбедат бесповратни средства за истражување од најмалку 900.000 евра, за обајвање на нови научни истражувања, а со тоа добиените податоци да се достават на јавните тела како Светската организација за здравјето на животните (OIE).
Соработката е важна, па затоа се планира да се работи на изградба на партнерство за да се постигне посакуваната цел. Ќе се соработува, со главните пазари, и ќе се споделуваат пдоатоците за продажбата. Ќе се формираат пет нови партнерства кои ќе помагаат во остварувањ на целите на недоволно развиените пазари и ќе се извршат 50 контроли кај доставувачите на лекови за да се обезбедат потребните стандарди.
Извор: Agroklub
