Tuta absoluta(доматен молец) е штетник кој потекнува од Јужна Америка и од таму започнува да се шири низ целиот континент во последните десет години. Овој молец во Европа за прв пат е забележан во Каталонија (Шпанија) во 2007 година. Веројатно бил донесен во Шпанија неколку години пред тоа. Епидемиите од него започнале во 2008 година и тоа во Шпанија, Мароко, Алжир, во почетокот на 2009 година во Јужна Франција и Италија.
Официјално е соопштено дека постои можност тој годинава да се појави и во Велика Британија, Португалија, Грција, Швајцарија, Малта, Либија и Тунис.
Tuta absoluta (Meyrick, 1917) или доматниот молец е многу опасен непријател кој најмногу ги напаѓа доматите, но исто така ги напаѓа и модриот патлиџан, пиперките, компирите и другите градинарски растенија. Штетникот може да го намали приносот на доматите од 50 до 100 проценти. Животниот циклус на овој молец е 29 (30) до 38 (40) дена, во зависност од температурата. Се размножува многу брзо.
Доматите можат да бидат заразени во која било фаза од нивниот развој. Во оранжериите условите овозможуваат континуиран развој на овој штетникот.
Гасениците најчесто се наоѓаат на лисјата и стеблата, но може да се најдат и во самиот плод. Најкарактеристични симптоми на присуството на овој молецот се минијатурните дамки на лисјата. Во случај на сериозна инфекција, лисјата изумираат целосно, додека оштетувањата на стеблото предизвикуваат малформација на растението. Оштетувањата на плодовите овозможуваат развој на болеста при што плодовите можат да изгнијат.
Кај компирите, штетникот ги напаѓа надземните делови на растението.
За борба против овој штетник се препорачува комбинација на различни методи и тоа:
• Употреба на феромонски стапици за да се утврди неговата густина;
• Расчистување на областа од остатоците на заболените растенија веднаш штом се соберат и уништат доматите;
• Чистење на почвата и на остатоците од земјоделските култури;
• Масовно ловење на возрасните единки со помош на стапици пред садењето.
• Примена на инсектициди базирани на имидаклоприд во водата за наводнување 8-10 дена по садењето;
• Употреба на инсектициди врз основа на споносад или индоксакарб при појава на молецот.
• Употреба на биоагенси
Извор :Агрибг
