Поп-пејачката Шакира била жртва на диви свињи додека шетала во парк во Барселона со својот 8-годишен син, пишува BBC.
Колумбиската пејачка тврди дека животните ја нападнале, ѝ ја земале чантата.
„Погледнете како ме нападнаа диви свињи во паркот и во каква состојба ми ја оставија торбата. Во неа ми беше мобилниот телефон. Уништија сѐ, но на крајот си ја вратив торбата“, вели пејачката во видеото што го сними за социјалните медиуми, а потоа му се обрати на својот 8-годишен син Милан: „Милан, кажи ја вистината. Кажи како мајка ти им се спротивстави на дивите свињи“.
Дивите свињи се сѐ почести во Барселона, како и во многу други европски градови.
Во Барселона, некои луѓе дури и ги хранат овие животни, и покрај фактот дека тоа е забрането.
„Животните се многу интелигентни и ако видат некого со торба, мислат дека има храна во неа“, изјавил ловецот Тони Галијано за списание за лов неодамна по друг инцидент во Барселона, кога еден човек бил нападнат и каснат од една дива свиња.
Уште во 2016 година, шпанската полиција објави дека имала 1.187 повици за диви свињи кои напаѓаат кучиња, го блокираат сообраќајот или трчаат пред автомобили.
