На пазарите и другите јавни површини, како и во угостителски објекти во Црна Гора ќе биде забрането продавање на алкохолни пијалаци на рефус. Ова било наведено во предлог-законот за алкохолни пијалаци објавен од Владата.
Според новиот закон, производителите ќе мора да ги продаваат алкохолните пијалаци во оригинална амбалажа и со географска ознака.
Производителите кои ќе ја игнорираат забраната ќе бидат казнети со парична казна од 500 до 20.000 евра.
Со новиот производителите веќе нема да можат да продаваат алкохолни пијалаци во буриња и разни канистри.
Покрај тоа, производителите ќе мора да се регистрираат во Регистарот на производители на алкохолни пијалаци пред да продаваат.
Според предлог-законот, овластениот инспектор ќе има дозвола дури и да ги конфискува превозните средства, односно садовите во кои се транспортираат и чуваат алкохолните пијалаци.
Исто така, инспекторот ќе има дозвола да го забрани производството на алкохолните пијалаци доколку во производството се употребува шеќер, етил алкохол од неземјоделско потекло, како и други средства и супстанции што можат да го зголемат количеството и да ги променат пропишаните природни состојки на алкохолните пијалаци.
Извор: ekapija.com
