Поради зголемената опасност од појава на пожари на отворен простор, Министерството за земјоделство, шумарство и водостопанство, по барање на ЈП „Национални шуми“, воведува забрана за движење во шума и на шумско земјиште од 06:00 до 20:00 часот.
Забраната започнува да важи од 17.04.2020 (петок) година и ќе трае се до нејзино отповикување.
Оваа забрана не важи за вработените во ЈП “Национални шуми“ и за субјектите кои вршат шумскокултурни активности на површините со кои стопанисува ЈП “Национални шуми, како и за лицата кои што имаат писмено одобрение за движење во шумите со кои стопанисува ЈП „Национални шуми“.
Исто така, се известуваат сите граѓани на Република Северна Македонија дека се забранува палење на стрништа, плевел и други растителни отпадоци во ловиштата и друг земјоделски отпад на земјоделско земјиште како превентивна мерка за заштита од појава на пожари на отворен простор.
Повеќе информации на следниот линк:
Фејсбук статус на Трајан Димковски – министер за земјоделство, шумарство и водостопанство
