Димковски: Наскоро исплатa на субвенции за млеко и други дополнителни мерки

Во интервју за Радио Пела, министерот Трајан Димковски изјави дека иако сме во вонредна состојба, исплатата на субвенциите за сите земјоделци ќе продолжи како и до сега, без исклучоци, неселективно и навремено.
Пред неколку дена беа исплатени над 30 милиони евра за субвенции за тутунопроизводителите. А поради проблемите со откупот на јагне предизвикани од вонредната состојба, обезбедивме зголемување на основната мерка за задржано женско јагне и сега таа сума изнесува вкупно 2500 денари. Наскоро ќе следи и исплатата на дополнителните 400 денари кои како интервентна мерка ги воведовме минатата година за предадено јагне во регистрирани кланични капацитети.
Наскоро ќе бидат исплатени и дополнителните субвенции за млеко, по литар и килограм.
Продолжуваме најодговорно да се грижиме за земјоделскиот сектор со цел да обезбедиме доволно храна, да го одржиме производството и да ја развиваме економијата, дури и во вонредни услови какви што имаме во моментов.
Министерот Димковски ги повика земјоделците да ги почитуваат препораките на Владата, да се грижат за себе и своите семејства и им се заблагодари на довербата.