Денеска и утре времето во нашата држава ќе биде сончево и многу топло со мала локална облачност. Во попладневните часови само во планинските места ќе има услови за ретка појава на краткотраен дожд и грмежи.
Денес, особено долж Повардарието ќе дува умерен ветер од северен правец и истиот повремено ќе засилува. Максималните дневни температури ќе се искачуваат во интервалот од 30 до 38 степени.
Во Скопје и околината ќе имаме сончево и многу топло време со мала локална облачност, денес ќе дува слаб до умерен ветер од северен правец и истиот повремено ќе засилува.
Максималната дневна температура ќе се искачи до околу 35 степени. Потоа од четврток следува период кога во попладневните и во вечерните часови ќе има локален развој на нестабилна облачност проследена со пороен дожд, грмежи, засилен ветер и услови за локална појава на град. Незначителен пад на температурите на воздухот се очекува за време на викендот.
Временската прогноза ја подготви Славчо Попоски
