Град кој има за цел да ги поврзе луѓето што е можно повеќе, како и нивното враќање во природа.
Данското село Брондби Хавеби е феномен на кој никој не останува рамнодушен.
Замислете град без интернет !!!
Овој урбан „градинарски град“ е направен во кругови: куќите имаат голем двор, но и „излез“ во заеднички круг што се дели со соседните куќи. Жителите на овој град имаат можност да се занимаваат со градинарство, но и да уживаат во природата и тишината.
Идејата за „градот на градините и овоштарниците“ се појави во 1964 година, кога архитектот Ерик Мигинд доби одобрение неговиот проект да се реализира во општината Брондби. Тогаш почнаа да се формираат волшебни кругови.
Архитектот имаше само една цел: комуникација меѓу луѓето.
Градот градини се состои од 12 кругови во кои парцелите, т.е. градините можат да се изнајмат за 150 долари месечно, а луѓето можат да живеат / изнајмуваат во нив, само 6 месеци годишно.
Намерата на ова место е да го имитира рамката на данските села од 18 век, каде што луѓето би го користеле ова место за да се дружат и да комуницираат со соседите, но и да се поврзат со природата. За да се овозможи приватност, секоја парцела е “оградена” со жива ограда…
