Тропската болест (TR4) која се појавила изненадно и се ширела пред да се појават било какви симптоми, може да биде кобна за бананите. Оваа болест е позната и како панамска болест и всушност е габична.
Епидемијата на оваа боелст во последните десет години одеднаш се забрзала и се проширила од Азија во Австралија, Блискиот Исток, Африка и Латинска Америка, од каде што доаѓаат повеќето банани доставени до супермаркетите ширум светот, пишува “Klix.”
Денес, оваа болест е проширена во 20 земји во светот и се заканува дека ќе го уништи омиленото овошје во човечката исхрана. Научниците ширум светот забрзано работат за да пронајдат решение, вклучувајќи и создавање на генетски модифицирани банани.
Како што објаснува Фернандо Гарсиа – Бастидас, научник кој се занимава со болеста TR4 во Универзитетот Вагенинген во Холандија, ова не е прв пат бананите да се соочуваат со целосно уништување.
Во педесеттите години на 20 век се случи една од најстрашните ботанички епидемии во историјата. Оваа габична болест потекнува до Азија од каде се проширила на огромните плантажи со банана во Северна Америка. Гарсиа-Бастидас вели дека причина што пандемијата била толку разорувачка е тоа што сите банани биле од иста сорта.
Во деведесеттите години во Азија исто така се појавила болеста TR4 која била смртоносна за бананите. Оваа модерна болeст на бананите го напаѓа васкулaрниот систем на растенијата и предизвикува смрт на стеблото.
– Бананите неспоредливо се меѓу најважните овошја во светот и се главна храна за милиони луѓе. Затоа не би смееле да го потцениме влијaнието на моменталната пандемија TR4 , изјавил Бастидас.
Причината што TR4 е толку смртоносна е тоа што лесно се пренесува а симптомите не се веднаш забележливи. Болното растение, изгледа здраво дури една година пред да ги покаже првите знаци на болеста. Со други зборови кога ќе се забележат првите знаци на болеста, веќе е предоцна бидејќи болеста веројатно се проширила.
Во 2019 година оваа болест се проширила во Колумбија
– „Беше тоа како лош сон. Во еден момент бев на фарма, а веќе во другиот во лабораторија. Потоа му објаснував на колумбискиот минситер дека се случи најстрашното. Долго време не можев добро да спијам, тоа ми го скрши срцето“ изјавил тој.
Како и секоја друга држава и Колумбија сега се обидува да ја забави епидемијата додека светот нервозно гледа на знаците на болеста во остатокот на Латинска Америка. Бидејќи за болеста не постои лек, се што може да се направи е да се изолираат заразените фарми и редовно да се дезинфицираат работниците.
Во меѓувреме се бара решение за оваа болест
Во Австралија научниците развиле генетски модфицирана банана која е отпорна на TR4. Фондацијата на Бил Гејтс исто така ги поддржува истражувањата.
Во својата лабораторија во Холандија, Бастидас и неговите колеги се служеле со најнови техники во одредувањето на ДНК за да ги идентификуваат гените отпорни на TR4 и одгледувале банани кои би можеле да ја подонесат оваа болест.
– „Имаме стотина сорти на јаболка, па зошто не би имале и различни сорти на банани“, прашува Бастидас.
Се надева дека најотпорната сорта на банани ќе се појави во наредните пет до десет години. Се верува дека и оваа пандемија ќе влијае за пораст на цената на бананите, пишува “Kliks”.
Извор: Blic.rs
