„Ruby Roman“ е сорта јапонско грозје кое го добило името бидејќи како што објаснуваат, е убаво како рубин и се чувствувате како римски император откако ќе го изедете.
Зрната на ова грозје по големина се слични на топчињата за пинг-понг, а секое од нив може да тежи од 20 до 30 грама, а некои и повеќе. Освен што е толку сочно, ова грозје има и висока содржина на шеќер и ниска киселост.
Богати поединци од Хјакуракус го купиле ова грозје по рекордно висока цена во 2019 година. Тие платиле 10.000 долари за околу килограм, што значи дека еден грозд чинел околу 470 долари.
„Ruby Roman“ потекнува од јапонската префектура Ишикава и беше претставено во 2008 година како врвно овошје. Компаниите го даваат како промотивен подарок, па затоа е многу барано.
Со цел да ја задржат ексклузивноста, побарувачката и цената, лозарите продаваат само ограничени количини.
Производителите велат дека не постои друга сорта во светот која е толку голема и толку црвена. Осввен големината на зрната и нивната боја, се проверува и нивото на шеќер во зрната, кое мора да биде повисоко од 18%.
Супериор гроздовите чинат меѓу 90 и 140 американски долари, а специјалните супериор гроздови од 180 до 450 американски долари.
Но тоа не е сѐ. Тука е и категоријата премиум. Кај гроздовите од оваа категорија сите зрна мора да бидат тешки најмалку 30 грама, а производителите се надеваат дека ќе продадат барем еден ваков грозд по цена од 1.000 долари.
Оваа година само два грозда биле квалификувани како премиум категорија, а во 2020 и 2019 ниту еден.
Напишете коментар