Иако почетокот на оваа година најавуваше враќање на цената на суровата нафта на вредности пред пандемијата, тој тренд во претходната недела е запрен, а аналитичарите како причина го наведуваат – сѐ поагресивното ширење на новиот делта сој на корона вирусот. Неговото агресивно ширење се заканува повторно да ги „умртви“ светските пазари и да ја намали побарувачката за суровини, а исклучок единствено претставува храната, пред сѐ житарките.
Да потсетиме, најголем пад на цената на суровата нафта се случи на почетокот на минатата година, кога пандемијата беше во полн залет. Во текот на март, заедно со наглиот скок на бројот на заболени во САД, барел тексашка сурова нафта можеше да се купи за 20 долари, додека „црното злато“ од Северното Море, т.н брент, чинеше нешто повеќе, 23 долари за барел.
На почетокот на оваа година цената значително се опорави и забележан е раст од 40 отсто во однос на веќе постигнатото ниво на крајот на 2020 година, практично, со 50 долари за барел нафта надмина износ од 70 долари. На тоа влијаеше опоравувањето кое следеше во развиените земји, пред сѐ, поради достапните вакцини.
Така ова лето во однос на минатогодишното, значително е зголемен број на патувања, авиокомпаниите почнаа поинтензивно да ги обновуваат линиите, а почна да се издигнува и индустријата што беше видливо по растот на цената на суровините.
Меѓутоа сѐ поголемиот број на заразени со новите соеви на вирусот, се заканува тој тренд да го запрат, а чувствителниот пазар на нафта е прв идникатор на тие движења.
Од друга страна, цената на пченицата и пченката на берзите расте, што последователно ќе се одрази на поскапување на производите во чиј состав влегуваат, пред сѐ месото и месните преработки.
Извор: danas.rs
