Чешката владејачка партија АНО и ултра десничарската партија СПД, предложија контроверзен амандман за храна, кој би ги обврзал трговците до 2027 година, најмалку 85 % од прехранбените производи кои ќе се најдат на полиците во продавниците мора да бидат од чешко потекло, известува, Deutsche Welle.
Чешкиот министер за земјоделство Мирослав Томан, за локалните медиуми изјави дека на тој начин храната не би патувала стотина километри со камиони, но министерството за земјоделство што тој го раководи не учествува во предлагање на овој амандман.
Деловните субјекти со големо незадовослтво го дочекаа овој предлог. Чешката стопанска комора го нарече „ недозволива државна интервенција“, која ќе предизвика пореметувања на пазарот, ќе ги погоди малите трговци и ќе го намали квалитетот на храната.
Тоа е кршење на заедничкиот пазар на Евроспката унија, заклучуваат во Комората. Според пишувањето на Deusche Welle, Евроспката комисија се соочува со појава на слични законски регулативи во Бугарија и Романија.
Во критиките на овој предлог се истакнува фактот дека Чешка нема доволно голем број основни продукти, вклучувајќи овошје и зеленчук, свинско и пилешко месо.
Структурата на земјоделските производители во Чешка покажува дека изминатите години се случил раст на одреден број компании наспроти малите производители, а тој помал број на фирми превземал и најголем дел од колачот од Европските фондови.
Извор: Agrobiz
